Tagwaranit
| Tagwaranit | |
|---|---|
| Avañe'ẽ | |
| |
| Agemmay alatini | |
| Ingalen n tutlayt | |
| ISO 639-1 |
gn |
| ISO 639-2 |
grn |
| ISO 639-3 |
grn |
| Glottolog |
tupi1282[1] |
| Wikipedia |
gn |
 | |
Tagwaranit d tutlayt i sawalen di kuẓ n tmura timarikaniyin am Paraguay, Tarjentint, Bulibya, Brazil, daɣ d tutlayt tunṣibt n yiwen n uwanak n Temrikt n unẓul. D tutlayt n takat Tatupit-tagwaranit, ilan ddeqs n tantaliwin maca llant tegziwin gar-asent. Amḍan uɣrid : ad ilin azal n 5.114.000. n yemsawalen.
Tutlayt tunṣibt[ẓreg | ẓreg aɣbalu]
Tagwaranit d tutlayt tunṣibt di tmurt n Paragway, ɣer tama n Tespenyult seg useggas n 1992. Seg waggur n nwamber 2006 tuɣal d tutlayt tunṣibt n Merkusur, ɣer tama n tespenyult d Tpurtugit. Di tmurt n Bulibya ur telli tutlayt tunṣibt, maca Taspenyult tufrar (d tutlayt n tedbelt, n wannan d wallalen n usiweḍ). Di tmurt n Brazil tutlayt tunṣibt d Tapurtugit. Yella yiwen n usaḍuf ɣef tutlayin tiḍnin yerzan annan d uɣerbaz amenzu d amsinwal d agerdelsan (ger iderma yellan d iserwan n tmurt), di tilawt drus n iselmaden i yellan d imsinwalen yerna ffɣen-d deg iɣerbazen. Di tmurt n Terjentint ur telli tutlayt tunṣibt, maca tutlayt Taspenyult tufrar-d ger tiyaḍ (d tutlayt n tedbelt d wannan d wallalen n usiweḍ). Seg useggas 1993 tamurt-a tesuddes-d ahil n wannan d amsinwal (s snat n tutlayin) i yegduden iserwan n tmurt, maca iswi n wahil-a ur yelli d tasmelt n tutlayt tasrewt n tmurt, iswi ines d asidef n yegduden di tmetti (neɣ deg idles aɣelnaw) s ugmey d useɣri s tutlayt n tyemmat.
Font MELIÀ, B. (1992) La lengua guaraní del Paraguay. Historia, sociedad y literatura, Mapfre, Madrid. MELIÀ, B. (2002) «Usos y normas en el guaraní paraguayo», Congreso Mundial sobre Políticas Lingüísticas, Institut Linguapax, Barcelona, 16-20 ḍabril de 2002. Pàgina web de Linguapax. SILVA, R. i ZARRATEA, T. (2006) Intervenció al «IV Fòrum de les Llengües Ameríndies. Llengües ḍAmèrica: ús i normalització», Casa Amèrica, Barcelona, 23-24 de novembre de 2006.
Tantaliwin[ẓreg | ẓreg aɣbalu]
Di taggayt n tantaliwin n Tegwaranit llant :
- Tambayt : mesalyen-tt di tmurt n Brazil azal n 5.000 n yemdanen. Di tmurt n Paraguay meslayen-tt azal n 8.000 n yemdanen. Di tmurt n Tarjentint mesalyen-tt azal n 2.500 n yemdanen.
- Tanyandibat/Taciript : meslayen-tt di tmurt n Paraguay azal n 3.000 ar 4.000 n yemdanen. Di tmurt n Brazil meslayen-tt azal n 2.500 n yemdanen.
- Tapayt tabaytira/kaywa : meslayen-tt di tmurt n Brazil azal n 15.000 n yemdanen. Di tmurt n Paragway azal n 11.000 n yemdanen. Di tmurt n Arjantina azal n 500 n yemdanen.
- Tagwaranit-taparagwayt : meslayen-tt di tmurt n Paraguay azal n 5 n imelyunen n yemdanen. Di tmurt n Brazil azal n 5.000 n yemdanen. Di tmurt n Arjantina azal n umelyun n yemdanen.
- Tacirigwant : d tutlayt meslayen di tmurt n Bolivya azal n 50.000 n yemdanen. Di tmurt n Tarjentint azal n 15.000 n yemdanen. Di tmurt n Paraguay azal n 300 n yemdanen.
- Tacita : llan 3 n yemsawalen deg udrum n 100 ar 250 n yemdanen di tmurt n Brazil (d tutlayt yellan ɣef tizi n nnger). Kra n yimeskaren rran tutlayt-a deg taggayt yellan deg yiwet di tseḍwa n Tegwaranit.
- Tacit/tagwayakit : llan ger 600 ar 900 n yemsawalen di tmurt n Paraguay. Kra n yimeskaren rran tutlayt-a deg taggayt yellan deg yiwet di tseḍwa n Tegwaranit.
Amezruy n tutlayt[ẓreg | ẓreg aɣbalu]
Deg useggas n 1992, Tagduda n Paragway tessers tutlayt Tagwaranit d tutlayt tunṣibt n Uwanak ɣer tama n Tespenyult di tmendawt, amagrad 140. Anagar tutlayt-a ger tutlayin tihendiyin-timarikaniyin i ilan aẓayer unṣib. Ɣas akken tutlayt Tagwaranit teqqim d tutlayt n ger yemdanen neɣ d tutlayt n ubrid, d ayen i d-ibeggnen tutlayt Taspenyult d tutlayt n usiweḍ d tunṣibt. Tagwaranit ɣur-s azal d adday zdat Tespenyult d tutlayt n tmetti yufraren di yal tamurt n Marikan n unẓul. Paragway d tamurt mm-idelsan d tamsinwalt, maca Taspenyult tufrar-d ɣef tutlayin nniḍen.
Di tmurt n Paragway 88% n yemdanen sawalen Tagwaranit : 39,2% gar-asen sawalen anagar Tagwaranit, 48,9% gar-asen d imsinwalen, sawalen Tagwaranit d Tespenyulit, 6% deg ugdud sawalen anagar Taspenyult. Di tilawt imsawalen n Tegwaranit ad awḍen ɣer 95% yerna udduden ur d-sedduyen deg umḍan imsinwalen yessawalen tutlayt tis snat nnig Tespenyult. Asaka n tutlayt-a d asaka ur nelli di tmura n Marikan s timmad-is. Tigti n yemsawalen n tutlayt Tagwaranit di tmurt n Paragway d imellalen neɣ d iɣewwalen (métis). Igduden iserwanen yessawalen tutlayt Tagwaranit n Paragway - ɣef isalan n Udduden ɣef Ugdud d Tmezduɣin n 1992 – tutlayin yellan : Tapayt-tabytera : 8.026, Tambyat : 4.744, taba-katut : 6.918, tagwarayt : 1.254, Tapyitit : 1.827; Tacit : 639. Tutlayt Tagwaranit ass-a ttwalin-tt d tutlayt tagmaḍant iwmi fkan imawlan-is ugar n 35 n yismawen : s tespenyulit Yupara (tarwayt), Tripara (Tagwaranit-taspenyulit-tapurtugit), Tagwaranit tamagnut, Tagwaranit n tisreṭ, Tagwaranit n uɣerbaz, Tagwaranit teeti, Tagwaranit ymagwari, gwaranyiti, gwarani-gwarani, nyee indyu, gwaranyul, atg… Tella Tegwaranit tamagnut n yal ass i d-yufraren ɣef Tespenyult ama di tmawalt ama di temṣukt maca tella deg-s terwayt n wawalen n snat tutlayin-a. Ɣef ayen i d-yenna Melia, tutlayt Tagwaranit imira tettuɣal d tapijint neɣ d takriyult di tmurt n Paragway. Deg useggas n 1994, tekcem tutlayt Tagwaranit s aɣerbaz, maca aselmed di tigwti yeqqim s Tespenyult. Tagwaranit tusa-d d tallalt i ulmad n Tespenyult imi d tutlayt n uselmed n kraḍ iseggasen imezwura deg uɣerbaz amenzu. Taspenyult teqqim d tutlayt n uselmed n tɣuri d tira. Ɣer taggara anagar 55% n inelmaden ssawaḍen ɣer taggara n ulmad amenzu. Tutlayt Tagwaranit d tutlayt yellan di rradyu n tmurt n Paragway ddeqs n iseggasen aya akken tella di kra n wahilen n Tilibizyu. Ugar n tmida ur tli Tegwaranit iɣmisen ar almi d yebrir n 2006 i d-yeffeɣ uɣmis amenzu 'Ara' (ad d-iteffeɣ s waggur di tazwara…). Iɣlifen n yidles n Merkusur qeblen ass n 23 di nwamber n useggas 2006, asuter n tmurt n Paragway i usidef n tutlayt Tagwaranit d tutlayt tunṣibt ɣer tama n tutlayin Taspenyult d Tpurtugit. Di tmura nniḍen anida sawalen Tagwaranit am tmurt n Arjantina, tamurt n Bulibya, d tmurt n Brazil, tutlayt-a ur tli aẓayer unṣib. Di tmurt n Arjantina tella deg wallalen n usiweḍ : llan wahilen s Tegwaranit di rradyu d tilibizyu.
- ↑ Hammarström, Harald; Forkel, Robert; Haspelmath, Martin, eds. (2017). "Tagwaranit". Glottolog 3.0. Jena, Germany: Max Planck Institute for the Science of Human History.