Rafiq Ḥariri

Seg Wikipedia
Neggez ar: ẓer isebtar, anadi

Rafiq Baha Eddin Al-Ḥariri (ilul deg 1 Nwembeṛ 1944, deg Ṣayda – yemmut deg 14 Furar 2005, deg Birut), d argaz n yiweẓla (homme d'affaires).

Ḥariri ed Tsertit[beddel]

Yeqdec d Aneɣlaf Amezwaru n Lubnan seg 1992 arma d 1998, sakkin yerna yeqdec d Aneɣlaf Amezwaru seg 2000 arma d 2004. Hariri yurar ddur d ameqran deg tsertit n Lubnan n deffir n wemgaru (ṭṭrad), am wakken ay yurar daɣen dduṛ deg uɛawed n lebni n tmurt ay yenḍerren seg 15 n yiseggasen n yimenɣi.

Timenɣiwt-ines[beddel]

Ḥariri nɣan-t deg 2005, deg Birut, deg yiwet n tenṭagt (attentat) sdat n usensu n St. George. Ɣef ljal n tmettant-nnes, Iɣlanen Yeddukklen (Nations Unies) sbedden-d Tanefrut Tusligt (Tribunal Spécial) n Lubnan, d win ay yettuwekklen akken ad inadi deg temsat n tmenɣiwt n Ḥariri. Kra n yidisan nnan-d tettekka Surya deg tmenɣiwt-nnes, am wakken ay llan wid ay icikken Ḥizbullah yettekka daɣen, d acu kan, llan yidisan niḍen ay yettwalin timenɣiwt n Ḥariri ttekkant deg-s kra n tmura tutrimin (tiɣerbiyin) ay yebɣan ad d-snekrent ccwal d ameqran deg Lubnan. Lḥaṣul, timenɣiwt n Ḥariri tegla-d s yibeddilen d imeqranen deg tsertit talubnanit. D tadyant-a ay yessawḍen ɣer tmeskanin n Tegrawla n Yengel akked tuffɣa n yiserdasen isuriyen seg Lubnan. Memmi-s n Rafiq Ḥariri, Saɛd Ḥariri, yeqdec d Aneɣlaf Amezwaru n Lubnan gar 2009 ed 2011.