Muḥemmed Igerbucen

Si Wikipedia, tasanayt tilellit.
(Yettusmimeḍ seg Muḥamed Igerbucen)
Muḥemmed Igerbucen
Tameddurt
Talalit Aït Ouchène (fr) Suqel, 13 Wamber 1907
Taɣlent Lezzayer
Lmut Ḥidra, 21 Ɣuct 1966
Tamentilt n tmekkest isragen igamanen (diabète sucré (fr) Suqel)
Tiɣri
Alma mater Académie de musique et des arts du spectacle de Vienne‎ (fr) Suqel
Tutlayin Taqbaylit
Amahil
Amahil amseddas
IMDb nm0947910

Muḥend Igerbucen d argaz uẓawan aqbayli i yettwasnen nezeh ama di tmazɣa ama berra deg umadal. Ilul deg 1907 di taddart At Uccen, taɣiwant Aɣrib, di Tizi Wezzu. Imut deg 1954. Asmi isɛa 17 isegwasen ill yeqqar timsirin uẓawan. Deg 1923, yunag ar tmurt n Leǧliz akw d yiwen n wergaz n Ikus (Ecosse), Mas 'Fraser Ross'. Illa yesɛa akal di Cercal. Yiwen n wass illa di tmurt leqbayel, yesla i tjewaqt n umeksa amecṭuḥ Muḥemmed Igerbucen. Icaṭew, dɣa yebbwi-t yid-s i waken ad yelmed aẓawan.

Ikcem ar uɣerbaz ageldan uẓawan (Royal Academy of Music), anda yelmed azawan seg ufus n uselmad Livingson.

Mas 'Fraser Ross' illan isɛa akal di tmurt n Tuṭrict, yewwi yid-s Muḥemmed Igerbucen ar tɣiwant n 'Wien' i waken ad ikemel almad uzawan deg iɣerbazen uẓawan imuqranen i yettwasen di 'Wien', sddaw ifasen n usnelmad 'Alfred Grunfeld'.

Muḥend Igerbucen ise 18 isegasen asmi ifka 'Concert' ines amezwaru di 'Bregenz' deg wasif n Konstanz. Mi ɛeddan 3 isegasen u ulmad, yuɣal-d ar tɣiwant n Lezzayer, i waken ad izer imawlan-is. Lamaana ur iɛeṭel yuɣal. Isem-is yuɣal mucaɛ imi yuɣal iqedec ula d Aẓawan n isura. Asaru amezwaru umi yexdem aẓawan, d 'Aziza'. Isyin ixdem win usaru 'Dzair' af umḍiq n 'La Casbah'. Amseḍru isura Mas 'Duvivier' i sutra-s i waken ad yexdem aẓawan usaru yettwasnen: "Pépé le Moko". Isyin ixdem aẓawan usaru "Terre idéale" af tmurt n Tunes.

Deg 1938, imlal d unaẓur Salim Ḥelali, yettwasnen imiren nezeh, i sekla-s azal n 50 n tezlatin. Isyin tebɛent-id inazuren wiyaḍ, ṭaqa deg-sen d leqbayel. Deg useggas agi, ixdem daɣen aẓawan n usaru "Kaddour à Paris" n Mas 'André Sarrouy'.

Takubanit 'Metro-Goldwin' n marikan t sawl-as-d i waken as-yexdem aẓawan n usaru 'La Casbah', neɣ "Pépé le Moko" s marikanit. amaṭaf BBC n Legiz i sawlased i waken ad iselḥu 'orchestre symphonique' ines. Imnezhen igliziyen ur tǧeɛlen ara d aqbayli, ḥesbent d arusi, dɣa fkan-as isem arusi Igor Bouchen.

Tamselyut[ẓreg | ẓreg aɣbalu]