Mmeslay:Tizi Wezzu

Tizi uzzu, d yiwet gar temdinin tinesbuɣar n tmurt n Lezzayer, isem-is yekka-d seg yiwen n yimɣi bu yisennanen ,d adal sut tjeǧǧigin d tiwraɣin i yeggten di tẓegwa-s. Ɣer usammer zzint-as-id tɣiwanin n Bgayet,Bumerdas ɣer umalu , Bwira ɣer unẓul, ma ɣer ugafa d ilel agrakal i tt-id-isuman.

   Tizi Uzzu tesɛa 67 n tɣiwanin  ideg  zedɣen  azal n 1 127 607 n yimezdaɣ.Dagi tudert nsen ters ɣef ugerruǧ iḥerzen yimawlan nsen ,ladɣa yal tamnaḍt acu n lḥirfa s wacu i tettwassen ,afexxar s idis  n Mɛatqa d Meqleɛ, azeṭṭa deg Wat Hicam i d-yezgan di Micli , isɣunen n lfeṭṭa i d-irennun tahuski i yal taqbaylit deg udrar ɛlayen n Wat Yanni.
  Mi ara d-yekcem umerray ɣer tmurt n leqbayel ,  ad-as teɛǧeb tugna-s, d tin i yessekcamen lferḥ deg wulawen , d tin i yettarran rruḥ i yimdanen ; d tamurt yeddan d ccbaḥa n ugama , yebnan ɣef  nnif d lḥerma ; d tamurt  yeččuren  d lxir , yeččuren  d rrbeḥ n tarwa-s i ixeddmen fell-as am yiḍ am wass ; tefka-d izmawen i aɣ-d- ineǧren abrid n tlelli d ubrid n tmussni am tegrawlit Lalla Faḍma n Sumer d Ɛebban Remḍan , Krim Belqasem d Ɛmiruc Ayt Ḥemmuda ; Mulud Ferɛun d Mulud Mɛemmri ,Ɛli Zaɛmum d unaẓur Maɛtub Lwennas, Lunis Ayt Mengellat d Crif Xeddam, Izri Brahim  d Yidir ,Malika Dumran d Newwara d ufrux nneɣ n uzekka Ǧaɛfer Ɛli Mɛemmar.
                                                                                           Massa CETTIR