Mmeslay:Tasnawalt

Deg tirawalt n tmaziɣt tamirant, werǧin nettaru imesli(1) s sin n yisekkilen. Anamek n waya, yal imesli nemmal-it-id(2) s yiwen n kan n uzamul(3).

Deg tefransist nettmagar-d akka sin n yisekkilen id-yemmalen yiwen n yimesli

Amedya: tikwal imesli / f / nezmer ad t-id-naf d “ph” pharmacies / elephant…

               tikwal imesli / ɣ /n tmaziɣt nettaf-it-id d “gh” amazigh…

Tira tamaziɣt tamenzut ( s tlaṭinit ), tella am ta:

Imesli [ c ] ttarun-t d “ ch ”

        Acercur ____ Acherchour

Imesli [ č ] ttarun-t d “ tch ”

        Yeččur ____ Yetchour

Imesli [ ǧ ] ttarun-t d “ dj ”

        Taǧǧalt ___ Tadjalt

Imesli [ ɣ ] ttarun-t d “ gh ”

        Aɣrum ___ Aghroum

Imesli [ t ] ttarun-t d “ th ”

        Tamuṭṭut ___ Thameṭṭouth

Imesli [ u ] ttarun-t d “ ou ”

        Turart ____ Thourarth

Imesli [ w ] ttarun-t d “ oua ”

        Awal ____ Aoual

Imesli [ ɛ ] ttarun-t d “ aâ ”

       Taɛrabt ____ Taârabt

       Ma d tura aya akk ifuk, imusnilsen(4) wwin-d kra n yizumal seg tutlayin-nniḍen, rnan snulfan-d wiyiḍ i wakken ad kksen aɣbel-a. Ihi tira tuɣal teshel ugar n tmenzut.

Amd : Ɣ / Ǧ / Č / Ɛ ______ wwin-ten-d seg tutlayin tiberraneyyin.

         Ḍ / Ḥ / Ṭ / Ẓ _______ rnan-ten-id I yisekkilen i yellan yakan deg ugemmay n tmaziɣt.

___________________________

(1) Imesli = un phoneme

(2) Nemmal-it-id = nous le désignons

(3) Azamul = un symbole

(4) Imusnilsen = les linguistes