Maṛtina Hingis

Seg Wikipedia
Neggez ar: ẓer isebtar, anadi

Maṛtina Hingis

Description de cette tugna, également commentée ci-après

Maṛtina Hingis di Indian Wells 2006

Talalit 30 Ctamber 1980
Košice tamurt n Sluvaki
Tamurt n aẓar Asenjaq : Taswist Taswist
Tiddi 1.68 Asarakat
Taẓayt 59 Ak (Agimkat)
Tuṭfa trakket Afus ayeffus
Iseggwasen n tawuri 1994-2007
Tadrimt iḥrez di telɣuɣa 20 130 657 US $
Azwilen deg afras 43
Azwilen deg uslig 37
Open n lustṛali Tebwi 3 deg afras 5 deg uslig
Rolland Garros Tebwi 2 deg uslig
Wimbledon Tebwi 1 deg afras 2 deg uslig
US Open Tebwi 1 deg afras 1 deg uslig

Maṛtina Hingis d tanaddalt n Tennis Taswisit ilulen ass n 30 Ctamber 1980 di Košice (tamurt n Sluvaki, zikenni čekusluvaki). D nettat id tanaddalt meẓẓilen ig bḍen ad teḥrez talɣuɣa n Grand Chelem si zman n Lottie Dod asegwas 1887, d nettat daɣen id tanaddalt tameẓlant ig bḍen ɣer tqacuct n wedras umaḍan deg umezruy n Tennis.

Tettmeslay Kuz (4) n tutlayin, Tačikit, Talmanit (taswist talmanit), tagyizit d tefṛansist. Tella t tteffaɣ d unaddal Serǧiu Garsia, sin akkin tessen amyurar n Tennis Radek Stepanek asegwas n 2006. Tezweǧ ak-d umennay afṛansi Tibau Hutin asegwas n 2010.

Temẓ-is[beddel]

Tluled s yisem Martina Hingisová di tmurt n Sluvaki zikenni čekusluvaki, seg mi tesεa 8 isegwasen Maṛtina tettidir di tmurt Taswist acku yemmas tεiwed zwaǧ. Deg usegwas n 1999 tuγ axxam deg temdint n Floride Marikan maca teqqim tettidir di teswist. D yemma-s is yefkan isem n Maṛtina, imi tella tḥemmel tanadalt tameqṛant n Tennis Maṛtina Navṛatiluva, nettat daγen n tmurt n čekusluvaki. Yemma-s tella tetturar addal n Tennis, dγa d ayen itt yeǧǧan attili d tasleγmayt n Maṛtina deg umecwaṛ ines maṛṛa.

Amecwaṛ ines seg (1994-2002)[beddel]

Maṛtina telmed att urar addal n Tennis si temẓ-is, γurs 5 isegwasen di lεemr-is mi tebda tetturar di tedwilin, tessaweḍ att uγal d talγuγt n umaḍal n tullas asegwas n 1994. asegwas n 1996 turar aked Helena Suková deg uslig n Wimledon, dγa tuγal d tanadalt tameẓlant yessawḍen at ḥrez talγuγa agi.

Asegwas n 1997 d win ig walan urar n maṛtina ad yuγal qessaḥ nezzah, tarbaḥ 37 uraren wa deffir wayeḍ, iz d yebwin 6 telγuγa, tebwi Open n lustṛali mgal Mary pierce 6-2 6-2, tebweḍ γer tagara n Rolland Garros anda texṣer d Iva Majoli acku tuḍen cwiṭ di tagara, tebwi daγen Wimbledon mgal Novotna aked US Open d Venus Williams 6-4 6-0; d ayen itt yeǧǧan att awi Clem amecṭuḥ.

Tebwi kṛad n talγiwin n Grand Chelem yemgaraden, ala Rolland Garros it xṣen sin ibardan di tagara, asegwas n 1999 anda turar aked tanadalt tameqṛant Steffi Graf ig llan di tagara n'umecwaṛ ines deg addal n Tennis, teqqimed deg umezruy, acku Maṛtina tεac asenni yiwen wass ur tezmir attettu, tella tarbaḥ urar deg aḥric amezwaru, sinna yellad umgarad garas d unefray, ayen yeǧǧan ula d-imfarǧen (imeshanayen) ad ddun d Steffi Graf, di tagara, Maṛtina texṣer talγuγa, teffeγ seg urar s-imeṭṭawen, ayen werǧin n wala deg addal agi. Seg ass nni Maṛtina ut tebwi talγuγa n Grand chelem, teqqim deg umḍiq amezwaru deg ubellez umaḍal, acku trbbaḥ aṭas n telγuγa it tturar, maca ur tebwi ara talγuγa tameqṛant.

Maṛtina Hingis (Miami 2007)

asegwas n 2002 texṣer daγen di tagara n Open n lustṛali mgal Jennifer Kapriati, deg urar daγen id yeqqimen deg umezruy aladγa Maṛtina tella teḥrez aḥric amezwaru 6-4, yarna deg wis-sin tella tezwar 4-0, sinna 5-1, ar-mi dezzi fellas Jennifer, tifesniwin di temdint n Melbourne bḍen-t γer 50°c, ayen yeǧǧan Maṛtina att xṣer zdat Jennifer. Lxṣara y agi d tin yeǧǧan Maṛtina kra wagguren ar zdat ad tḥbes urar n Tennis di Frurar 2003, mbaεd mi tesεa kra iγeblan deg uḍar-is.

Xas akken, Maṛtina teqimed d yiwet seg tnaddalin n Tennis tameqṛant, dγa imi ur tesεa y ara lǧahd amakken tella Monika Seles naγ Serena d Venus Williams, maca tebweḍ ad deg amḍiq-is gar asen-t, u ad tiweḍ γer tqacuct n ubellez n Tennis azal n 275 imalas.

asegwas n 1999 d 2000 tellad sγur "magazine FHM" d yiwet ger 100 tilawin ig cebḥen deg umaḍal, m-ad asegwas 2005 ineγmasen imarikaniyen n "Tennis Magazine" arrantt d tis 22 gar 40 inadalen n Tennis imeqranen di 40 isegwasen ineggura deffir Roy Emerson zdat Evonne Goolagong

Tuγalin ines asegwas n 2006[beddel]

Maṛtina Hingis (Open n lustṛali 2006)

Tella azal n 209 imalas d tamezwarut deg ubellez n WTA n Tennis deg umaḍal, ur turar deg tuber 2002 acku tella tesεa uguren n ṣeḥḥa deg uḍar-is, asegwas n 2006, Maṛtina tuγaled s-urar, di yennayer tebda urar di Anvers, tadwilt n Proximus Diamond Games, aggur sinna texṣer di Open n Ṭayland.

Di Gold Coast, i lemhegga n Open n lustṛali, tin yebwin 5 n Grand Clem tarbaḥ timlilit ines tamezwarut zdat Maria Vento-Kabchi 6-2 6-1, tarna tarbaḥ snat n temlilin igarzen armi tebweḍ zdat n Flavia Pennetta, tanadalt tis 23 deg umaḍal dγa texṣer timlilit acku tesεa uguren deg wammas-is. Ddurt id yarnan texṣer zdat Justine Henin 6-3 6-3.

Di Open n lustṛali 2006, Grand Clem ines amezwaru segm-id uγal s-uran, Maṛtina Hingis tesbegned d-akken mazal-itt d tanaddalt tameqṛant, imi dγa tessaweḍ armi d dduṛt n wis 1/4 si tagara, uqbel ad texṣer zdat n Kim Clijsters di 3 yeḥricen: 6-3 2-6 6-4, maca Maṛtina Hingis ur duγal ara seg Melburn ifassen d-imawen, aladγa tebwi Tabuqalt n uslig (irgazn/tilawin) aked amyuran n tmurt Lhend Mahesh Bhupathi, tabuqalt tis 8 deg Open n lustṛali, 3 (kraḍ) deg Afras, 4 (kuz) deg uslig tilawin, 1 (yiwet) deg uslig irgazen/tilawin.

Di tedwilt n Ṭukyu, Maṛtina tessuffeγ ta deffir tayeḍ, Naṭali Decy, Maria Kirilenku d Maria Caṛapuva di 1/2 si tagara, tebweḍ γer tagara n tedwilt i tikelt tamenzut segm-id uγal, maca di tagara texṣer zdat tarusit Elena Dementieva sin yeḥricen s-ulac (6-2 6-0). Ayagi yeǧǧa Maṛtina ad ali deg ubellez n WTA seg umḍiq n 117 γer wis 48, sin wagguren kan segm-id uγal s-urar.

Tebweḍ γer dduṛt tis 1/4 si tagara di Dubai, anda texṣer timlilit ines zdat Maria Caṛapuva, id yerran ttaṛ, ayagi maca yeǧǧa maṛtina ad ali deg ubellez n WTA γer s-amḍiq wis 32. Tkemmel deg Indian Wells, anda tarna Lindsay Davenport, maca texṣer di 1/2 si tagara zdat Maria Caṛapuva ig ḥarsen tadwilt agi di tagara, di tagara n tedwlit tulid s-amḍiq wis 26 deg umaḍan.

Tewḍel γer tedwilin n wakal, anda Maṛtina tennad d-akken ala Rolland Garros itt ixuṣṣen deg tedwilin n Grand Clem, u d yiwet seg tγawsiwin itt yeǧǧab tuγaled γer wurar, deg Vaṛṣuvi texṣer di dduṛt tis snat zdat Venus Williams s-ugemmuḍ: 4-6 7-5 6-4. Di Berlin tebweḍ γer 1/4 si tagara anda texṣer zdat Amili Muresmu:4-6 6-4 6-4.

Ass n Acur 21 Mayu 2006 Maṛtina tesbegned d-akken tuγaled s wazal-is imi tarbaḥ tadwilt n Ṛṛum di temlilit n tagara zdat tarusit Dinara Safina s-ugemmuḍ 6-2 7-5, tagi d tarennawt ines tamenzut seg 2002, u d tis 41 deg umacwar ines; deg ubellez Maṛtina tulid γer s-amḍiq wis 14.

Di barra n wannar, Maṛtina tellad d « come-back n usegwas » deg Laureus Award n Barcelone, i tuγalin ines ifazen γer wurar. Sinna mi tarbaḥ tamaricanit Lisa Raymond, tačikit Zuzana Ondrášková, takṛuatit Ivana Lisjak, tizraelit Shahar Peer, texṣer deg 1/4 n Roland Garros zdat tabeligit, tisnat deg umaḍan, Kim Clijsters.

Tuγal γer Wimbledon 5 isegwasen si tikelt taneggarut, tarbaḥ Olga Savchuk, Tathiana Garbin maca teγli di ddurt tis kṛaḍ zdat tajapunit Ai Sugiyama. Di tedwilin n Marikan texṣer deg 1/4 di San Diego zdat daγen n Kim Clijsters. Tebweḍ γer tagara di Montreal, ayen itt yeǧǧan ad kcem γer 10 timezwura deg ubellez umaḍan. Deg US Open texṣer di ddurt tisnat zdat tafṛansit Razzano. Di tedwilin n Asia, tebwi tadwilt n Kalkuta zdat Pučkuva, tṛuḥ ssin γer seoul anda texṣer di dduṛt tisnat zdat Sania Mirza.

Maṛtina tessaweḍ ad ttekki deg Msters n Madrid, acku tuγalin ines d tin ig garzen s waṭas, maca tuzgad deg aggay awṛaγ, anda tella Ameli Muresmo, Nadia Petṛuva d Justine Henin texṣer zdat Henin d Muresmo, maca tarbaḥ Nadia Petṛuva di temlilit tis kṛaḍ.

2008[beddel]

Ass wis Kuz Yennayer 2008, tettwaḥbes seg urar azal n sin isegwasen sγur amqun agraγlan n Tennis, γas akken Maṛtina teḥbes urar m-akken kan tesla γef wenγad ines umdig, ITF tekssa-s arazen d tedrimt itebwi seg Wimbledon 2007. M-ad Maṛtina teḥbes urar n Tennis i tikelt taneggarut.

Amacwaṛ[beddel]

Deg afras[beddel]