Crif Xeddam

Si Wikipedia, tasanayt tilellit.
Crif Xeddam
Tameddurt
Talalit Imsuḥel, 1 Yennayer 1927
Taɣlent Lezzayer
Lmut 16e arrondissement de Paris (fr) Suqel, 23 Yennayer 2012
Tiɣri
Tutlayin Taqbaylit
Amahil
Amahil acennay
Artistic movement Aẓawan aqbayli
Dduzan n lmusiqa taɣect
IMDb nm1857594

Ilul-d Crif Xeddam deg ayyur n Yennayer 2877 (Aseggas imaziɣen) i d-yuzgan d 1927 MTSƐ, deg Taddart N At Bumesɛud (Imsuḥal) [1], yeǧǧa-yaɣ ass n 12 di Yennayer 2962 (Aseggas imaziɣen) i d-yuzgan d ass n 23 Janvier 2012 MTSƐ, deg Paris[2].

Tameddurt[ẓreg | ẓreg aɣbalu]

Imawlan-is d imrabḍen yernu aɣerbaz ibaɛd ɣef wexxam, ihi yuzen-it baba-s ɣer tmaɛmaṛt (tareḥmanit) n At Bujlil. Lamaɛna ur iɛaṭl ara deg-s imi yeṭṭef abrid ɣer Lezzayer tamaneɣt ad inadi ɣef uxeddim, syin yunag ar Fransa deg 1947 am netta am ilmeẓyen di lweqt-nni.


Di l'Paris yezga ixeddem di lluzin maca yeqqar daɣen azawan, solfej d ccna. Isbed tarbaɛt n ccna deg 1954. Mi d yewwi iman-is, yejmaɛ iṣurdiyen yessufɣed aḍebsi-ines amezwaru (seg ljib-is) deg 1955 "yelli-s n tmurt-iw laɛnaya n temɛict-iw". Din din tekcem taɣect n uccenay-a deg ulawen n leqbayel. Anfaras Pathé Marconi isla yis. Yules-as asufeɣ n uḍebsi amezwaru yerna wiyaḍ am "yelli-s lfamiliya" akk d "inni d ma tḥemelḍ iyi".

Icna-d Crif Xeddam ɣef tmurt d tudert n yal ass n Iqbayliyen, ɣef lɣeṛba d tayri amedya Nadya, ǧeṛǧiṛa, lemri, a leḥbab, ɛacen, zzman, Bgayet telha. Mi d-yuɣal si Fransa ikcemn ɣer wexxam n ṛadyu anda yexdem nnig 20 iseggasen. Tella ɣures nnuba yettwasnen aṭas, "iɣenayen uzekka" ansi fɣen aṭas icennayen n teqbaylit am Lunis At Mengellat i d-yecnan zdat-s "ma truḍ" deg useggas 1967.


Yerna yessufeɣ tizlatin niḍen am "lukan id tettuɣal temẓi" akk d "tenna-yi yemma" anda itcekkir tilawin. Yura daɣen i Nwaṛa yecna yides tizlatin am "nemfaraq ur nxemmem" akk d "ula d nek yewɛaṛ ad ttuɣ".

Crif Xeddam si ger imezwura i d-iskecmen lɛud (Asɣaṛ) d upyano ar ccna n teqbaylit lamaɛna bnadem m’ara isel i tezlatin-is ittḥulfu s rruḥ n teqbaylit tedder deg-sent. Tesufeɣ Taseɛdit Yasin adlis s tefransist ma tebɣam ad teɣrem ɣef tmeddurt-is : Cherif Kheddam ou l’amour de l’art, "Crif Xeddam neɣ tayri n tẓuṛi" ɣer tizrigin La Decouverte/Awal, Paris deg 1995.

Asnulfu[ẓreg | ẓreg aɣbalu]

Gar tizlatin is timeqqṛanin kteṛ n tiyed, tella yiwet i ugaren tiyed nniḍen, d Bgayet, id yefka tajmilt i Bgayet

Tira[ẓreg | ẓreg aɣbalu]

Yiwet seg tezlatin-ines :

Aha kker zwi iman-ik

Aha kker zwi iman-ik
Am wakken yebbwi-k naddam
Lxiṛ i d tefka tmurt-ik
Din i k yetṛaǧu wexxam
Ṛuḥ a gma lli-d allen-ik
A ttwaliḍ ansi ɛaddan

Tenniḍ ad beddleɣ amḍiq
Win teǧǧiḍ deg wemḍiq-ik
Wi ɛzizen teǧǧiḍt di ṭṭiq
Tettuḍ lhedṛa n jeddi-k
Uki-d ma telliḍ d uḥdiq
Qbel ad yekfu weɛwin-ik

Ur yenfiɛ wayen i k yexḍan
Muqel kra ɣer deffir
Tesɛid widak i d yeǧǧan
Ur d tefruriḍ deg cekkir
Mmekt id rriḥa imawlan
Mebla ma tkerseḍ anyir

Ger tiṭ ɣer wayen d ǧǧan
Lateṛ nnsen ḥader a t tnekṛeḍ
Mačči d ayen i yetfakkan
Ahat kecc ur teɛlimeḍ
Ur k tsemmiḥen iɣerban
S twenza-k syen i d teffɣeḍ

Tamselyut[ẓreg | ẓreg aɣbalu]

  1. Metref, A. (24 yennayer 2012). "Culture : « Décès de Chérif Kheddam, ouvrier spécialisé et musicien de génie »". Le Soir d'Algérie. ISSN 1111-0074. Retrieved 27 yennayer 2012..
  2. TSA - Décès du chanteur et musicien Chérif Kheddam - 23/01/2012