Cadli Benjdid

Seg Wikipedia
Neggez ar: ẓer isebtar, anadi

Cadli Benjdid yella d aselway n Tegdut n Dzayer seg 7 furar 1979 almi 11 yennayer 1992. Ilul g Sebɛa (ddayret n Butelja, Ṭṭerf) ass n 14 ibrir 1929 immut ass n 6 tuber 2012 g sbitar n Ɛin Nnaɛǧa (Dzayer Tamaneɣt).

Di lweqt n ṭrad mgal fransa yekcem g ALN. Akk d usarug n dzayer yuɣal ad yexdem g lɛesker. Asmi yemmut Hewwari Bumedyen, Cadli yella d yiwen amdan i yesɛan legrad ameqqeran akk : Colonel. Lɛesker g lweqt-nni bɣan amdan am netta g wemkan Bumedyen.

Cadli yebɣa ad yeffeɣ seg Tanemla (socialisme) axaṭer dzayer texser aṭas idrimen, meɛna azal n lpitrul iṣubb aṭas di lḥekm-is. Idzayriyen inṭarren (deg tazwara nsen ilmaẓyen) fɣened ɣar ivarden ass n 5 tubar 1988 anida yekker umennuɣ amuqran. Ayen id yeḍran ussan-nni yettwasen s Tubar 88 (Octobre 88). Ihi Cadli yexdem tamendawt (constitution) tamaynut, yeǧǧa akk ikabaren, seg-sen FFS, RCD, FIS. Cadli yebɣa ad yerbeḥ lvoṭ s ukabar ines (FLN) lameɛna idzayriyen voṭan FIS.

Xaled Neẓẓar, i yellan d aneɣlaf n lɛesker g lweqt-nni, yura g wedlis ines belli yanna-yas i Cadli "Ilaq-ak ad teǧǧeḍ amkan-ik akken anehves lvoṭ". Cadli yeqbel ayen yenna-yas-d Nezzar. Akabar n FIS ur yeqbil ara, bdan rrevrav mgal lɛesker u yebda ṭrad gar-asen.

Гar tagara ttudart-is, Cadli yettili d tmeṭṭut-is deg Wehran.