|
|
|
Takurdit d isem ay ssexdamen i snat n tutlayin yettemcabin mliḥ, ttmeslayen-tent wazal n 13 n yimelyunen n yemdanen di tama-nni n Asya umi qqaren Kurdistan. Tamenzut d tutlayt takurmanjit (neɣ takurdit n ugafa-nord), ma d tis snat d tutlayt tasuranit (neɣ takurdit n wenẓul -sud), ay ttmeslayen wazal n 2.800.000 n yemdaben di Ɛiraq akk-d 3.000.000 n yemdanen di Iran.
Takurmanjit, tin ay ttmeslayen waṭas n medden, ad tt-naf dɣa s waṭas di ¨Tturk, anda ay llan 4 n yimelyunen n medden ay tt-yettmeslayen, deg ugafa n l' Ɛiraq, di Surya tt-ttmeslayen 500.000 n medden, di Arminya (100.000 n yemsiwlen) akk-d di Iran (100.000). Llan diɣ wid yettmeslayen takurdit takurmanjit di Jyurjya akk-d Azerbiǧan, maca ur neẓri ara acḥal, am akken ay llant diɣ trebbaɛ timecṭaḥ n Yikurdiyen ay izedɣen di tmura tiberr'aniyen (azal n 70.000 s ujemmal), ladɣa di Lubnan akk-d Turuft, deg Yiwunak Yedduklen (WDM) akk-d Kanada.
Ẓer kter...
|
|
|
Itran imeqqranen iweṣṣfen "talɣemt":
sbaɛ yetran n Ursa Maior rnu-yasen Arcturus
|
Itran n Imucaɣ
Imucaɣ, tamusni-nsen af yetran d tameqqrant, imi d itran i tniheddun asmi ttinigen deg lxali. Ula d Imucaɣ ufan deg igenni tirbaɛin n yetran yecban zund kra n tteṣṣwiṛat, am akken i txedmen si zik igduden nniḍen deg tmura nniḍen. Lɛibad neɣ lḥiwan neɣ tiɣawsiwin ẓran deg igenni, yal yiwen deg-sen yesɛa tadyant-is.
|
|
|
| Talɣa:Tugna n ass-n/29 Yennayer 2012 |
|
|
| Asqamu Unnig n Timmuzɣa ( HCA), yettheggi-d yiwet n rreḥba n udlis amaziɣ di temdint n Tubiret, ara yebdun seg wass n 2 alamma d 7 di maggu 2009. D timlilit tis 3 di temnaḍt-agi, imi, ɣef leḥsab n wakken i ɣ-d-yenna, Hamid Bilek, yiwen seg yimḍebbren n usqamu-agi « Tubiret d tamnaḍt i iqeddcen deg unnar n yidles amaziɣ, teḥwaǧ timliliyin yecban tigi ». Rreḥba-agi, tewwi-d kra n umaynut, imi ad ilin warrazen ara yettunefken ama i ungal ara d-yifriren neɣ i wammud n tullizin. Arraz yettwaheggan ad yili ɣef yisem n Mohand ou yidir Ait Amrane, i yellan d aqerru ɣef usqamu unnig n timmuzɣa uqbel ad teccelqef tmettant. Am akken daɣen ara d-tessemlilit rreḥba-agi imyura, imawlan n tezrigin d widak iqeddcen deg yidles amaziɣ. D tagnit ideg ara d-ilin yisaragen ɣef waṭas n temsal yerzan tutlayt n Massinissa, daɣ ad ilin yemyura ara d-yemmeslayen ɣef wungalen nsen. D ambeddel n tikta d tirmitin ara yesnernin mebla ccekk anadi d usufeɣ n yedlisen, imi ar ass-a, ilaq ad d-nini belli txus aṭas temkerḍit tamaziɣt, daɣ kra n wayen yesnernayen di tutlayt d tira. Imḍebbren n usqamu-agi heggan-d yiwet n temlilit s wazal-is, tin ara d-yeskeflen amezruy n Tubiret d yemdanen i s-igan ccan.
Ɣer tama n leqdic-agi, ad d-yili akka uselmed n tutlayt tamaziɣt, i wid iwumi ur tettunefk ara tegnit ad tt-ɣren deg uɣerbaz, ahat di 6 wussan ad lemden agemmay, ad ssiwḍen ad d-ɣren aḍris s tutlayt nsen. Am akken daɣen ara d-yili usqerdec n wawal ɣef usnerni n tmaziɣt di ttawila n Internet, imi d tidet, tettwaḥerrem seg uḥric-agi yuɣen timura irkelli.
Ad d-nesmekti kan belli rreḥba-agi tella-d yakan di Tubiret snat n tikwal uqbel ad truḥ ɣer Wehran d Bumerdas. D tuɣalin ara d-yerren afud i yimezdaɣ n Tubiret ad ddun ɣer zdat deg unadi, di tira d leqdic ɣef yidles nsen.
|
|
|
| Talɣa:Awitay - Yennayer |
|
|
|
|
|
|
| Talɣa:Udem n waggur n Yennayer |
|
|
|
