Alger Républicain

Seg Wikipedia
Neggez ar: ẓer isebtar, anadi

Alger Républicain d aɣmis ayallas ay d-sbedden Pascal Pia ed Paul Schmitt deg Ldzayer, deg 1938.

Tallalit[beddel]

Aɣmis-a n uzelmaḍ llan qeddcen deg-s aṭas n Yidzayriyen. Gar Tuber n 1939 ed Furar n 1943, yettwagdel (yettwamneɛ) weɣmis-a, sakkin, asmi ay d-yeqqel ɣer tuffɣa, yeqqel d aɣmis asduklan (communiste).

Deg wemgarru n Dzayer[beddel]

Deg Ctember n 1955, imi ay yebded ɣer yidis n Yidzayriyen ay yellan ttnaɣen ɣef uzarug (indépendance) n tmurt-nsen), aɣmis-a yettwagdel tikkelt niḍen, yerna aṭas seg wid ay iqeddcen deg-s ttwaṭṭfen (am unemhal-nnes, Henri Alleg), neɣ ttwenɣen, am Henri Maillot, Georges Rafini, Ɛemar Xaluf, Ɛabdelqader Benaɛmara, Murad At Saɛda ed Abdelkader Choukhal. Deg 17 Yulyu 1962 (sdeffir ma tuwey Ldzayer azarug-nnes), Alger Républicain yeqqel-d ɣer tuffɣa, yerna yeqqel d netta ay d aɣmis adzayri ay d-yessuffuɣen amḍan ameqran akk n tsukan (exemplaires) (75.000 yal ass).

Sakkin uzarug[beddel]

S waya, Alger Républicain yella yugar aɣmis n Le Peuple (n Terni n Weslelli Aɣelnaw). Deg 1964, imḍebbren n Alger Républicain qeblen ad rren aɣmis-nsen d win n Terni n Weslelli Aɣelnaw, sakkin, deg 1965, sdeffir ma tella-d tuttya-nni taserdasit aydeg Hewwari Bumedyen yesseɣli Ḥmed Ben Bella, anabaḍ adzayri yesdukkel iɣmisen n Alger Républicain ed Le Peuple yerna yerra-ten d yiwen n weɣmis umi isemma El Moudjahid. Sdeffir tedyanin n Tuber 1988, Alger Républicain yeqqel-d ɣer tuffɣa, maca ɣef ljal n wuguren ay d-yemlal, yeḥbes deg 1994. Seg yimir-nni, yeqqel itteffeɣ-d seg-a ɣer da, tikkal yal dduṛt, tikkal yal ayyur, ɣas akken mazal yesɛa uguren. Albert Camus ed Kateb Yasin seg wid ay d-yuran imagraden deg weɣmis-a.