Akabar Asduklan Azzayri

Si Wikipedia, tasanayt tilellit.
(Yettusmimeḍ seg Akabar Asduklan Adzayri)
Akabar Asduklan Azzayri
Isefka
Anaw parti communiste (fr) Suqel
Tamurt Lezzayer
Tasnakta léninisme (fr) Suqel
Tinnebṭit
Asutel amatu Wehran
Amezruy
Asnulfu 1934
Dissolved 1964

Akabar Asduklan Azzayri (s tefrensist: Parti Communiste Algérien), d akabar asduklan ay d-sbedden yimeɣnasen ifrensisen n Lezzayer (iḍarren iberkanen) akked yineṣliyen izzayriyen.

Tallalit[ẓreg | ẓreg aɣbalu]

Akabar-a ilul-d deg 1920 yerna yella d afurk n Ukabar Asduklan Afrensis. Maca deg 1936, yeqqel d akabar i yiman-nnes (s uttekki n Maurice Laban), yerna amaru-nnes amatu d ameɣnas azzayri Lbacir Ḥaǧ Aɛli.

Akabar d Wemgaru n Lezzayer[ẓreg | ẓreg aɣbalu]

Deg tezwara n 1955, Akabar Asduklan Azzayri yugi imenɣi imselleḥ n Yizzayriyen i lmend n uzarug (indépendance) n tmurt-nsen, maca deg Yunyu n useggas-nni, akabar-a yeqbel imenɣi-a yerna iga ifadden i yimeɣnasen-nnes akken ad ttekkin deg yimenɣi ɣer yidis n Yizzayriyen, d aya ay yejjan Fransa ad t-tegdel. Imeɣnasen n ukabar-a ttekkan deg kra n tiytiwin deg wemgaru n Lezzayer, gar-asent tadyant ay d-yellan deg 1956, aydeg Henri Maillot, yiwen seg yimeɣnasen-nnes, yesserwel yiwen n ukamyun n yemrigen (leslaḥat) i yemjuhad.

Sakkin Uzarug : Tagdalt[ẓreg | ẓreg aɣbalu]

Deg 1962, asmi ay tuwey Lezzayer azarug-nnes, anabaḍ (lḥukuma) azzayri yesteɛref s Ukabar Asduklan Azzayri, maca deg 1964, yegdel-it yerna yefsex-it. D aya ay yejjan amur ameqran seg yesduklanen izzayriyen ad ɛawden ad msegrawen ed ad d-sbedden Akabar n Tnezwart Tanemlayt (PAGS).