Aflu

Seg Wikipedia
Neggez ar: ẓer isebtar, anadi

Nuvola apps filetypes.png Asebtar-agi d agujil : ulac asebtar wayeḍ ansi ara d-tekkeḍ ɣer da.
Nadi asebtar (neɣ isebtaren) wiyaḍ, anda tzemreḍ ad tgeḍ arruz i iheddun ar asebtar-agi, umbeɛd ekks talɣa-yagi.


Aflu (Aflou) d yiwet n temdint tuzga-d deg twilayt n Leɣwaṭ (Laghouat) deg tlemmast n tmurt n Dzayer. Aflu tuzga-d deg Yegnan Iɛlayanen, deg tama-nni umi qqaren "Adrar n ɛemmur" (Djebel Amour). Tama-ya llan deg-s yizuɣar ay deg d-imegghi wewri (lḥelfa) yernu d akal yelhan i tkessawt n wakraren.

Imezdaɣen n tama-ya asenti-nsen (laṣel) d amaziɣ, yernu sɛan yiwet n trakna (taẓerbit) yettwassnen, llun-is d azewwaɣ yernu yettwarqem s rrqem n Yimaziɣen. D yiwet deg trakniwin yettwareqmen s rrqem amaziɣ amsari yernu ixxamen merra sɛan-tt deg tama-nni. D acu kan, imezdaɣen n Waflu ur ten-mazal ara ssawalen tamaziɣt, maca iban dakk-n maci aṭas ay-a seg wasmi ay ttusɛerben.

Isem n "Aflu" ad yili yekka-d seg yiwen wawal amaziɣ ay d-mazal la t-sseqdacen deg tcawit. Ɣur Yicawiyen, "aflu" anamek-is d lxir, d lbaraka, d aṭṭuqqet n lxir neɣ d timmerkantit. Mi ara d-tiniḍ s tcawit "flan-nni yesɛa aflu", anamek-is "yesɛa lxir, yefka-yas Rebbi lxir, d amerkanti". Dɣa icebba-yi Rebbi dakk-n tama n Aflu semman-as akk-a imi ay yella deg-s lxir.

Xseɣ (bɣiɣ) kan ad d-greɣ tamawt dakk-n tama n Yegnan Iɛlayanen deg Ldzayer zraren-tt (influencer) yidurar n Wewras, anamek-is, yettban-iyi-d dakk-n idurar n Wewras ɣas beɛden ɣef Yegnan Iɛlayanen n tlemmast n tmurt-nneɣ, maca tiɣawsiwin n Wewras ttawḍent alamma d timiwa-ya.

Greɣ tamawt dakk-n iceṭṭiḍen iqdimen n tilawin n Yegnan Iɛlayanen ttemcabin ɣer wid n tilawin ticawiyin, yernu ula d isɣunen n Yicawiyen ttemcabin ɣer wid n wayt Yegnan Iâlayanen. Ɣef umedya (lemtel), deg tama n Djelfa, tella yiwet n tama qqaren-as "idurar n Wayt Nayel" (djebel Ouled Naïl), yernu idurar-a ttwassnen s yiceṭṭiḍen d yesɣunen n tilawin-nsen. Tilawin-nsen ḥemmlent ad lsent aṭas n yesɣunen, ssekrafent acebbub-nsent u ttlusunt yiwen umendil ad as-tiniḍ d aɛmam nnig yiqerray-nsent, dɣa walaɣ dakk-n ula ɣer Tcawiyin xeddmen akk-a.