Ǧamila

Ǧamila, tacennayt taqbaylit, ger yiwet irreṣṣan lsas i ccna unti n teqbaylit.

Tameddurt-is

Isem-is n tidett d Ǧuḥar Baccen, tlulled deg ussan imenza n tefsut n usegwas n 1930 (2 maggu 1930), deg temnaṭ n At Buhini ( tama n Iɛẓẓugen). Tawaccult-is d yiwet n twaccult muccaɛen, yellan si zik di Lzzayer tamanaɣt.

Ǧamila tezweǧ ɣur-es 12 n isegwasen kkan ar mmis n mmis n Ureski Lbaccir, argaz yenuɣen, yemmuten f tilelli. Ddren akken yiwen lweqt di Buzriɛa di Lzzayer, unagen sakkin kra n lweqt ar Fransa. Cwit kkan, Lla Ǧamila tuɣaled ar tmurt, tfureq nettat d urgaz-is.

Abrid-is di ccna n teqbaylit

Lla Ǧamila tewwded ar radyu asmi tella deg tama n Berthozène (La Grande poste d'Alger). D yiwet n tmettut umi qqaren Lla Cabḥa, yellan tettmediḥ imiren, i-tt-id yewwin ad twali amek ccenunt imiren.

Liqal, Lla Ǧamila, tugguma ad-tekcem ar Radyu, si lxuf b awal n medden d laḥya n yimiren.

Tettɛawaded belli assen amezwaru igi id wwet ar Radyu, tuffa dinna: Lla Yamina tettawwid yiwen ucewwiq anda s teqqar: "Ay ul-iw nhed nhed, newwed ar tebburt nbed, ma d yemma aɛzizen ulaḥed, mad tagmatt llaḥ lḥed) , Lla Zina, Lla Lǧida Tamuqrant, Meǧdul Aḥmed, Qurici Zeṛṛuq, Sidaḥ, Ḥaǧ Racid.

Yella daɣen Ccix Nurdin, is yennan i Lla Ǧamila: "A taqcict, awi-yaɣed icewwiq". Dɣa tewwid winna " A dicini, tewwid-iyid arriyi".

Texdem dva nnuba n ccna akw d Ccix Nurdin, d netta ig yellan d bab n uzawan ( chef d'orchestre) imiren.

Teccna daɣen deg Nnuba Lxalat i-teṭṭef Lla Tassaɛdit, ar tama n Lla Yamina, Lla Zina, Lla Cṛifa, Mimi Nabti, Tawes Nabti, Nwarra Nabti, Ǧamila Ḥassan (Massa Bugarmuḥ), Xedduǧ, Wṛida.

Abrid-is deg wayyen nniḍen

Lla Ǧamila tekki deg waṭṭas n tedwilin, gar-asent "Les femmes au foyer", ar tama n Lla Tassaɛdit ( Madame Laffage). Tettekki daɣen deg yiwwet n tedwilt "Enfatine" ar tama n Ɛebdelmaǧid Benasar.

Tetteki daɣen deg sura s taɛrabt taɣerfant (Le Colonel Si Belaid, Rameaux de Feu, Les Hors la loi, Leila, le Vent des Aurès), d-taqbaylit (Tawrirt Yettwattun).

Kra seg tezlatin-in

• Inna-s ay afrux
  

• Amirouche
  

• Pas de Calais
  

• Wilan lhara yaggi
  

• Jsk
  

• Am laɛyun (aẓawan-is yewwid At Mangellat i tezlitt anida is yeqqar Ferḥaɣ yewwded lweqt ay iḥbiben)