Ɛli Belḥaǧ

Seg Wikipedia
Neggez ar: ẓer isebtar, anadi

Ɛli Belḥaǧ (ilul deg 1956 deg temdint n Tunes), d argaz n tsertit "adzayri", yettekka akked Ɛebbassi Madani deg ussebded n Terni Tislamit n Ussukkes (FIS).

Temẓi-s d laṣel-is[beddel]

Imawlan n Belḥaǧ rewlen seg Dzayer ɣer Tunes, yerna laṣel-nsen seg Muriṭanya. Belḥaǧ yezdeɣ deg Tqubbet (deg temdint n Ldzayer).

Takcemt deg tsertit[beddel]

Deg yiseggasen n 1980, yella yeqren ɣer Mustafa Buyali, yerna d aya ay t-yessawḍen ad yettwaṭṭef ɣer lḥebs i tikkelt tamezwarut deg 1984. Deg 1989, yessebded-d akked Ɛebbassi Madani akabar isenneslem (islamiste) n Terni Tislamit n Ussukkes (FIS), yerna yella yeqqar-d lxeḍbat deg yiwet n tmesgida deg Bab Lwad.

Tirni Tislamit n Ussukkes af Uqecuc-is[beddel]

Deg 1991, iger-d tiɣri i lɣaci akken ad d-snekren imenɣi imselleḥ mgal udabu, am wakken ay yettekka akked Ɛebbassi Madani deg ussenker n ccwal deg tmurt. D aya ay yejjan anabaḍ (lḥukuma) adzayri ad ten-yeḥbes deg sin, yerna akabar-nsen yettwafsex deg tezwara n 1992.

Sakkin ṭrad[beddel]

Deg 2006, Ɛebdelaɛziz Buṭfliqa yeɛfa fell-as yerna yebra-as-d seg lḥebs. Llan aṭas n medden ay t-yettwalin d yiwen seg wid ay yezzuɣren tamurt ɣer tallit-nni taberkant n yimenɣi imselleḥ ay d-yellan gar udabu ed tegrawin timsellḥin ay d-yefrurxen seg Terni Tislamit n Ussukkes. Seg wasmi ay d-yeffeɣ seg lḥebs, Ɛli Belḥaǧ yettwaṭṭef yerna yettwaḥbes acḥal d tikkelt ɣef wawal-nnes ayyes ay iɛerreḍ ad d-yessenker ccwal tikkelt nniḍen.